تنهض بتول وتقول بغضب شديد.مخلص وعلشان كده اتجوز ودخل عليها يا اسد مش كده صقر كل يوم كان بيقرب من مراته وانا اللي كنت بموت كل لليلة وانا متاكده انه معاها وهو محسش بيا وكمل يا اسد صقر واحد خاين واللي يخون مره يخون ألف
اسد ببرود شديد.تعالي وانزلي معايا علي أرض الواقع وسيبك من شغل الافلام الهندي دي يا بتول خلينا متفقين ان مشكلتك الحقيقه والوحيده هي جوازه اوعي تحطي قربه من مراته خيانه او تحسبي عليه حسبي علي جوازه من البدايه غير كده لا علشان أولا مفيش راجل هيقبل علي نفسه يتقال عليه لمؤاخذه مينفعش واللي يتجوز وميدخلش علي مراته مينفعش يكون راجل أصلا ووجب عليه طالما اتجوز يدي الست اللي معاه حقها مهما كان سبب جوازه منها وانا مش بدافع لصقر ولا عمري هعمل ده انتي اللي تخصني مش هو ولو علي صقر نفسه هو ميفرقش معايا واللي تفرق معايا انتي يا بت عمي فكري صح وانسي حوار انه قرب من مراته ده وخليكي في سبب جواز صقر السيوفي وانتي علي ذمته
تنظر اليه بتول وتجلس أمامه وهي لم تستطيع ان تذهب ام انها تتحدث الآن ينظر اليها اسد ويرفع الطرحه علي رأسها فهي تضعها دون ان تربطها ونزلت منها وهي تنهض بهذه السرعه ويقول اسد وهو ينظر اليها.خلينا متفقين ان صقر بيعشق التراب اللي بتمشي عليه ولو يطول محدش يمشي علي التراب ده غيرو هيعمل ده مفيش واحد يجي البيت اللي هو عارف ان اهله قاتلين واحد منهم وحالفين لا ياخدوا تارهم منه وعارف انه داخل البيت ده واحتمال كبير مطلعش منه علي رجله غير لما يكون مستعد وعلي اتم الاستعداد انه يضحي بعمره علشان ياخد مراته من وسط الناس دي وصقر جاه وضحي بنفسه وعلي يدك خد طلقتين ولوله ستر ربنا كان راح فيها وده علشانك انتي يا بتول وتبقي حماره واكبر غبيه لو قولتي ان صقر غبي ومش فاهم ان الدنيا كلها واقفه بينكم وعارف انه داخل حرب شبه مستحيل يكسب فيها بس دخل وكل اللي هو عايزو انتي يا بتول واللي انا شايفه انك نقطة ضعف وقوة لصقر كبيره ولازم تستغلي ده كويس اوي