نهت حديثها وتمسك يده قبل ان يصفع صقر فادي مره اخرى وهو لم يعطي لحديثها اهميه ويستكمل ما يفعله بهذا الحقير وتنزل دموع بتول وتقول بغضب شديد.انت بتفكر في ايه يا صقر كفايه كده وارحمني شويه حرام عليك اللي بتعملوا ده
ينظر اليها صقر ويسحب يده منها وينهض وينظر الي فادي الذي لم يستطيع يفتح عيونه ام يحرك شي به ويقول بصوت عالي بشده.لسه حسابك مخلصش بس عايزك فايق في اللي جاي هسيبك يومين وهرجع اصفي حسابي معاك يا $$$$
وينظر الي صابرين ويقول بصوت هز اركان المنزل وهو يضم بتول اليه.وانتي التانيه بنتك بتاعتي ولا انتي ولا الدنيا كلها تقدروا تبعدوها عني واوعي تفكري ان سكوتي ضعف علشان قسما باللي خلقني وخلقها انا اهد الدنيا كلها علشان تكون بنتك معايا وفي حضني وساكت بس علشان عامل حساب للي بينا يا صابرين اوعي تنسي انتي كمان علشان لو نفذ صبري عليكم اسهل حاجه هعملها هاخدها بعيد عن كل الارف ده وهتحلمي تشوفي شعره منها بعد كده
نهي حديثه ويسحب بتول ويخرج من هذا المنزل بالكامل وتنظر سما الي فادي ودموعها لم تجف ويقول اسد بصوت عالي.عزوز تعال ناخد فادي علي المستشفى بسرعه يلا
نهي حديثه ويحمل شقيقه مع عزوز ويذهبون الي الخارج وتضرب سماح ابنها بكتفها وتقول.يلا علشان تروحي مع چوزك مينفعش اكده يلا