تنهض صابرين وتضربها خلف رأسها بقوه وتقول.ليه يا حبيبتي انا اتكلم واقول اللي انا عايزه وكل حاجه بتليق عليا انتي بس اللي غيرانه مني علشان احلي منك وعودي احلي
قالت هذا وهي تضع يدها على خصرها وتتميل بخفه لتنظر اليها بتول وتقول.انتي ناويه تتجوزي يا صابي ولا ايه
تبتسم صابرين بفرح متصنع وتقول بغرور متصنع.ومالو يا حبيبتي انا العرسان عليا طوابير وحقي اتجوز واهو يكون معانا راجل احسن ما احنا تلات ولايه مفيش راجل يحميهم كده
تغضب بتول بشدة من والدتها وحديثها وتقول.ماما بلاش الكلام اللي ينرفز ده
تنظر اليها والدتها وتقول بغمزه.يا هبله ما انا لما اتجوز العرسان بدل ما تيجي عليا هيجيوا عليكي انتي واختك وتتجوزوا بدل ما تعنسوا وتفضلوا من غير جواز ده انا هضحي علشانكم
تنفخ بتول بقوه وتقول.لا مضحيه من يومك ياختي بس علشان اريحك مني انا مش هتجوز وموده لسه صغيره اتهدي بقي
تضربها صابرين علي كتفها وتقول بغيظ شديد.في بنت محترمه تقول لامها اتهدي يا كلبه
تنظر اليها بتول وتتذكر هذه الجملة الذي لم تغيب عن عقلها ولم تتركها.لا وانا اللي هموت واشوف وشك اوي صحيح اللي اختشوا ماتوا مبقاش غير عشيقه الكينج اللي ماشي معاها في الحرام اللي تتكلمي علي الادب