موده بغيظ شديد.معملتش حاجه هي اللي عامله عقلها بعقلي وعايزه تاكلني معرفش ليه
يرفع اسد حاجبه ويقول.عامله عقلها بعقلك ازاي ياختي
تبلع موده ريقها وهي تنظر بخوف الي الفرس التي تنظر اليها بغضب وعيونها تتثبت عليها وتقول.مفكرني قدها وعايزه تموتني وانا قد بنتها
تحرك الفرس رأسها بعنف لتصرخ موده وتقول.عاااااااااا شيلها بعيد عني يا تركي والله هتاكلني وانا لسه صغيره وعايزه اعيش ياخويا شيلها
يذهب اسد ويربط الفرس بمكانها ويذهب الي موده وتقول موده بعد ان خرجت لسانها الي الفرس.متقدريش تعملي معايا حاجه يا بقره
تغضب الفرس منها وكأنها تفهمها تماما ليمسك اسد يد موده ويقول بغضب.في ايه يا بت انتي مش لقيه حد تتخنقي معاه بتتخنقي مع الفرس اعقلي شويه
موده بغضب طفولي.انت مشفتش ولا تعرف هي عملتلي ايه يا اسد البقره دي مش بترضي تاخدني علي ضهرها وتطير بيا وبقالي يومين بقولها اعمليها وانا هجبلك براسيم كتير وهاكلها لحد ما تشبع ومش موافقه اعملها ايه دلوقتي
ينظر اليها اسد لحظات وهو لم يستوعب حديث هذه المجنونه ويضحك بقوه كبيره عليها فهي تتحدث بجديه لا تصدق وتنظر اليه موده وتبتسم وينظر اليها اسد بعد ان توقف عن الضحك ويقول وهو ينظر الي عيونها.عايزها تطير ياختي