تنهض سما وتقول بغضب شديد.انا عملت ايه يا جدو انا معملتش حاجه فادي معيشني معاه عند في اسد وخلاص هو مش عايزني هو بس عايز يعند في اسد
يمسك منصور يدها ويجلسها مره اخرى ويقول.انتي اللي فاهمه ده يا بتي بس لو جربتي من فادي وفهمته عجله زين هتفهمي انه عايزك معاه علشان بيحبك من وانتي عيله صغيره وعمل كل اللي عملوا ده علشان هيحبك ومجدرش يشوفك مع اسد وحجده كبر علي اخوه بسببك انتي بس لما يلاجي انه خدك وبجيتي لي علي طول هيتغير انتي مهتحبيش فادي وعلشان اكده مشيفاش حاجه يا سما
تنظر اليه سما وتنزل دموعها بغزاره وتقول.انا مش عايزه غير اسد يا ج
قطع حديثها منصور الذي قال بغضب شديد.خلاص يا سما موضوعك انتي واسد تنسي خالص علشان عمر اسد ما هيرجعلك تاني هو خلاص شاف حياته مع موده وهو عمره ما هيبص لمرت اخوه كفايه أكده تتعبي جلبك ونفسك وعيشي لنفسك وخليكي مع فادي واتجبلي عيشتك وحياتك معاه انتي الوحيده اللي هتجدري تعدلي حياتك وفادي يا سما محدش غيرك هيخليكي مبسوطه يا بتي
نهي حديثه وينهض من أمامها ويذهب الي الخارج وتنظر خلفه سما وتنزل دموعها وهي لم تستطيع ان تفعل شئ ولا تفهم ولا تعرف ما هو الشئ الصحيح آلان تفكر بكل حرف وكلمه خرجت من منصور الآن وتحاول ان تستوعب وتعرف ماذا تفعل بحياتها الآن