حازم بمرح :::: يا لولو يا نيدو جعان يا جماعه كانو بيقولو فى اكل هنا يا اهل الدار يا فرح يا رودى
ندى :::: ايه فى ايه لكل ده براحه يا اخ مش بفتح الباب ايه الى فتح فى وشى ده جعان جعان ماتيجى تاكولنى احسن يا باى عليك يا اخى
حازم وهو يقرصها من خديها بمرح :::: كده يا لبن نيدو تسيبى صديقك الصدوق جعان …….جعان يا اخوانا لولو فين
ضحكت بإستفزاز واجابته
ندى::: ده على اساس ان دمك خفيف بقا وكده يعنى ولا ايه مش فاهمه
ليلى :::: تعالى يا حازم احنا بس بنحط الاكل على السفره وثوانى وتكون فرح وصلت والحق امشى من وش ندى قبل ما تقتلك هههههههههعع
دخل الى الغرفه الطعام وكان الصدام بين عينيه البنيه ومقلتين زيتونتين هادئ وانفجار احمر دموى فى وجنتيها خجلا
حازم ببرود :::: ازيك يا شرين حمد الله على السلامه
شرين بخجل :::: الله يسلمك ازيك يا بشمهندس
حازم بدون اهتمام ::: الحمد لله ………. يا نيدو يا لبنيتا ممكن مايه
ندى بغضب ::::: والله العظيم يا حازم يا زفت انت لو قولتلى لبن نيدو دى تانى انت حر
حازم بإستفزاز::::: هتعملي ايه يعنى
ندى ::::: بسيطه اهو كده
وقامت بسكب كوب كامل من المياه البارده على راسه
حازم بشهقه:::: يابت المجنونه