ابتسم لمرح اخيه جلس بجانبه وشرع فى تناول طعامه
ادهم:: والله يا آسر باشا قررت اتحمل المسؤليه شويه ايه رايك انزل اتدرب فى الشركه لحد ما اتخرج
وكانت الجمله وقع الصدمه على الجميع ابتسم حسين فى فخر بإبن اخيه
حسين::: آسر النهارده تظبط المسأله دى بكره اول يوم لأدهم فى الشركه
آسر ::: برافو عليك يا ادهم كنت متأكد انك هتفكر صح ومش ها تخذلنى ابدا
ابتسم ادهم وقام بنشاط::: طب عن اذنكو بقا عندى مسابقه ولازم اتضرب كويس سلام يا سحس باى يا امبراطور
خرج بنشاط اراد التغير و رؤيتها ايضا فهو يشتاق لمشاكستها
~~~~~~~~~~~~~~~~~~~~~~~~~~~
هتلر منضبطه فى مواعيدها فهى كالساعه فى مواعيدها اراد ان تدربه على بعض المعلومات ومنح الموافقه منها فهى تفعل اى شئ من اجل الفوز بهذه المسابقه كانت متأكده من عدم انضباطه بالمواعيد ولكن خذلها ذهبت متأخره دقيقه وها هو ينتظرها وكانت الصدمه من حقها
ادهم بإبتسامه::: على فكره مواعيدك مش مظبوطه خالص يا ندى اتأخرتى دقيقه بحالها
ندى::: انت ازاى جيت بدرى
اعطاها غمزه ساحره وسحرت هى من وسامته
ادهم::: انا عطيتك وعد وقولت هاتشوفى انى هاكسب وعلشان تكسب لازم تحترم المسابقه والوقت كالسيف ان لم تقطعه قطعك
ندى::: وحِكم كمان انت عندك تؤم وادهم فى البيت تعبان مش كده ولأ عندك انفصام فى الشخصيه