+
حدثته بضحكة عالية وهي تضم مصوغاته التي تحتوي يديها
_الحب جميل يا معقد، البت مراتك هتيجي تغير فكرتك أنا بأكدلك.
+
في الحال أشار على صدره يردد بخفوت”أنا معقد؟ الله يسامحك.”
+
لكنه استرسل كلماته بجدية صادقة، وبسمة باهتة ظهرت على وجهه”ثم إني بالنسبة لي، الحب مش بس كلام، الحب مواقف وأفعال بتثبت قد إيه الواحد بيحب، بس لو العسولة إللي في حياتي بتحب تسمع كلام حب، فأنا مستعد أخلي كل حرف يطلع مني يقولها قد إيه أنا بحبها.”
2
_يابختها فعلًا يا”أنس”، يارب أنا ويحيى نكتب الكتاب يمكن حتى يقولي إيه الجمال دا! ضوابط الخطوبة دي صعبة جدًا! لما تيجي تتقدم للعسولة بتاعتك اكتب الكتاب في الخطوبة عشان تعرف تقولها كل حروف الحب.
كانت تقولها وبسمتها تزيين وجهها بمرحٍ، وسمعت نداء جدها لها لتركض عليه بسرعة وهي تقع بين أحضانه ليهتف هو بدلاله المعهود”جميلة الجميلات الأميرة بتاعتي!”
2
_جدو!
تدللت عليه بكلماتها الرقيقة، وجدها سألها ببسمة حنونة”أخبارك مع خطيبك إيه؟”
+
شعرت بالخجل وهي تهز رأسها ببساطة”كويسين، بيسلم عليك جدًا ياجدو.”
+
_ابقي هاتيه في يوم معاكي.
قالها بحنان، وتقابلت نظراته مع نظرات حفيده الباردة وهو يرمقه، فهم تلك النظرة وتنهد يخبرها بنبرة مبهمة خافتة”آه لو عقلك هو إللي يحكِّم ياتيا!”