1
_أبقا عاق لأمي ولا إني أنزل اتعامل مع ناس أقل من مستوايا العلمي، تخيل بتاع التموين قال إيه بيحسب 3×86 بكام على الآلة!
قالها باستنكار من كم هذا الجهل ليتدخل تاني في الحديث مع تعجبه”يابني ماهي صعبة فعلًا!”
3
“بس يا أدبي.”
قالها باستحقار في الحال وكإنه يسبه!
6
وتابع بسخرية واضحة”قال إيه بياخدلي محمد علي والملك فاروق إللي كان بيحب الخدامين الإيطاليين، بالذمة دي معلومات تدرس؟”
3
_بكرة أما يحتلوكم التاريخ والجغرافيا هما إللي هينقذوكم من الغرق.
قالها بانفعال بالفعل واضح، والثاني رد عليه بعجرفته المعهودة وهو يضحك بسخرية:
“ماشي يا سيدي، بس لما يحصل الغرق، التاريخ هيقعد يحكي عنه ويولول عليه، والجغرافيا هتحدد مكان الكارثة، وربنا ما يحرمنا من الاستشعار عن بُعد خد مكان الجغرافيين جدًا.”
1
توقف للحظات ثم غمزه بمكرٍ”بس إحنا كمهندسين هنكون إللي بنبني ليكم سفينة النجاة، وهنعمر إللي الاحتلال سابه وراه!”
1
“معلش ياجماعة ممكن سؤال؟ إيه دور الظابط في كم النرجسة والغرور إللي بيتقال دا؟ معلش عايز أعلِّي عليكم.”
+
قبل أن يرد أحد منهم تحدث داني بتعجب”رائف هو مش أنت مهندس برمجه! سفينة إيه إللي عايز تبنيها! هو أي غرور وخلاص!”