1
تعالت ضحكات يحيى بقوة، بينما داني نظر له بتعجب، هل ما سمعه صحيح! ليتحدث في الحال بسخط”لاء وعلى إيه اتجوز! أنا هفضل قاعد كدا.”
1
_ليه بس ياداني؟ دا أنت حتى قمور وكل البنات بتحبك! دا كفاية شعرك الحرير دا، ولا رموشك، ولا ولا ولا هعد في إيه ولا في إيه! كلك مميزات يابني!
+
قالها رائف بثرثرة كالنساء وبسمته متسعة، ويحيى تحدث بنبرة مشككة وهو يقيمه من أعلاه لأسفله_:
_أنا شاكك في الواد دا!
+
أيده داني بكلماته المتعجبة”وربنا وأنا! مش مظبوط! ولا مالك في إيه!”
+
دائمًا مظلوم بين أصدقاء عمره! آه من ظلمهم! وكالعادة اتخذ دور المدافع عن حاله بضيقٍ
_ياجدعان وربنا أنا في السليم، أنا مليش غير في البنات بس.
+
رمقه داني بسخرية مع كلماته
_واللهِ أنت مش تمام.
+
”شوف الراجل! أقوله مليش غير في النسوان بس يقولي مش تمام! دا أنا كدا أبو التمام كله!”
+
قال كلماته بسخرية وهو يرمي عليه نظرات محقرة، وردد بنبرة واثقة”دا أنا نص البنات بيموتوا فيا، والنص التاني سايب لهم فرصة يعيشوا حياتهم بسلام، عشان التوازن الكوني ميختلش، دا كفاية إني مهندس.”
+
“إنك مهندس دا أصلًا عيب مش ميزة، يابني أنت مش بتنزل تجيب لأمك التموين وعاق ليها وبتمرمطها في الطابور عشان أنت مهندس متنزلش تشتري تموين زي الناس العادية!”