1
ابتسم لها يرسل بسمة حنونة إليها مع جملته الهادئة”وبعدين اعتبريني كإني مش عايش معاكي، اعملي إللي تعمليه براحتك في البيت، أنا بصحى الساعة اتنين ونص أنزل شغلي وباجي على واحدة ونص بالليل، يعني بصي مش هتشوفيني غير على الفطار، لا هتغدى ولا اتعشى معاكي، بس معلش لو مش هتعبك يعني حوشيلي أكلي بتاع الغدا وأنا هاجي أسخنه بالليل.”
8
حدقت به بانتباه، حنون؟ بالفعل حنون، إذن ماذا عن لعبه للقمار، وشربه للمخدرات، وحديث طليقته عنه؟ وكل هذا؟
4
وهو نهض بمنتهى السلاسة يخرج كما دخل ولكنه تحدث بنبرة لينة لطيفة”امسحي دموعك واخرجي عشان نتغدى مع بعض، معلش انهاردة وبكرة هتضطري تقعدي معايا وناكل عشان أنا المفروض منزلش الورشة يومين تلاتة.”
6
“مليش نفس.”
قالتها بنبرة متحشرجة وهو استدار لها يرمقها بعيونه الدافئة مع كلماته”معلش، الزعل ملوش علاقة بالأكل، لازم تاكلي عشان متتعبيش يادكتورة، أنا مش هفهمك شغلك، هستناكي برا.”
4
أغلق الباب خلفه، وهي جففت دموعها ونهضت تضع عيونها المكسورة في الأرض، خرجت له لتتسرب لها رائحة الطعام الشهي، رفعت نظراتها تتأمل الطعام، كان طعام جاهز من أحد المطاعم؛ دجاج مشوي، أرز بشعرية، كفتة، طاجن محشي ورق عنب، ومحشي باذنجان، وسلطات كثيرة، انتبهت لصوته”حاجة على قد الإيد كدا مش من مقامك، بس وربنا الأكل تحفة، بكرة إن شاء الله هجبلك حمام ومكرونة بشاميل ورقاق والحاجات دي”.