_عملك حاجة؟ ضربك ولا لمسك؟ زعلك؟
+
“كنت لسة حالًا قبل ما تيجي ممسكها السلك عريان وبكهرب فيها، وقبلها يادوب بربع ساعة نزلت فيها جلد، هستناكي تمشي عشان أطفي فيها سجايري، نقطة ضعفي جلد مراتي.”
قال جملته بسخرية لاذعة وهو يضحك على كلماتها، رمقته بنظرة حادة، وربتت على وجه أختها تسألها بلهفة”بتعيطي ليه يانور عيني؟”
9
_متسبنيش يانيار.
قالتها بنبرة متقطعة، ونيار رمقت عمر تسأله بعدم فهم”أنت عملت ليها إيه؟ البت متلجة!”
+
“وربنا ما لمستها يا أستاذة نيار، واللهِ امبارح حتى ما قربتش منها.”
دافع عن نفسه بضيقٍ ارتسم على ملامحه، ونور قررت أن ترأف به وترحمه من ظنون اختها وهي تردد بصوت متعب”معملش يانور، أُسطا عمر كويس جدًا معايا.”
+
ربتت على شعرها وسمعت جملة عمر الجادة”أكليها يا أستاذة نيار عشان مش عايزة تفطر، وافطري معاها، وأنا جوا في أوضتي لو عايزين حاجة.”
+
دخل وهي جلست تطعمها بحنانٍ وهي تحدثها بنبرة لينة”قوليلي يانور حصل إيه امبارح؟”
+
صمتت للحظات لكن اختصرت لها ما فعله بكلماتها البسيطة الشاردة”كلمني بطيبة وحنية أوي!”
9
“______”
+
دفعه بقسوة على الحائط متحدث بنبرة عدائية”من إنهاردة لا إنت صاحبي ولا أعرفك، بحق كسرة قلبها دي لا هخليك تندم عليها العمر كله”.