صلاح : اكيد ياماما اتفضلي
امال : عامل ايه مبسوط هنا
صلاح : الحمدلله انا بس هأقعد يومين وادور ليا ع شقه تكون قريبه من هنا
امال : بخوف وتسبني وتمشي ياصلاح دانا لما صدقت لاقيتك يابني ورجعت حضني تاني
صلاح : انا مش هأسيبك ياماما بس انا مش عاوز ابقا تقيل ع اللي هنا
امال : ياحبيبي ده بيتي يعني بيتك انت كمان وان سبتني انا هأموت
صلاح : بعد الشر عليكي يا امي بتقولي كده ليه
امال : ب دموع اوعدني أنك مش هتسبني
صلاح : حاضر يا امي
امال : ربنا يباركلي فيك ياله بقا ننزل اكيد مستنينا تحت
صلاح : اتفضلي يا امي
نزلوا تحت واتعرف صلاح ع رعد وع احمد وعلي
رعد : اهلا بيك يا استاذ صلاح
صلاح : استاذ ايه بس انا صلاح بس
صلاح : انا اتشرفت بيك يارعد باشا
رعد : ب ضحكه لا كده ماينفعش رعد بس
صلاح : وخلاص صلاح بس
علي خلاص ياجدعان انتو هتتخانقوا ضحكوا كلهم وجت هنا قعدت جانب صلاح : ابيه منور الدنيا
صلاح : احلي هنون في الدنيا عامله ايه ياحبيبتي
هنا : الحمدلله يا أبيه انت عامل ايه منور الدنيا كلها
صلاح : يابكاشه
علي : بعصبيه هنا تعالى عاوزك
هنا : خير ياعلي
شدها علي من ايديها : بأقولك تعالي
صلاح : اهدأ ياعلي انت بتشدها كده ليه هو في ايه
علي : مافيش
هنا : بدموع عادي يا أبيه صلاح هو ع طول كده معايا