من روايه نور الزين
بقلمي نور محمد
♡♡♡♡♡♡♡♡♡♡♡
امال : زين زين بسرعه ياهنا كلمي حازم يجيب الدكتور
خرجت نور من اوضتها من غير ماتتكلم حاولت كتير مقدرتش جريت فتحت الباب وشاورت للحراس
الحراس شالوا زين ودخلوا الاوضه بتاعته ونور منهاره من العياط هي وامال وجت هنا قالت حازم جاي هو والدكتور حاولت امال تفوق زين ب برفم ونجحت بعد شويه انه بدء يفوق بس كان بيتألم
حازم ويحيي دخلوا وكان معاهم الدكتور طلعوا كلهم بره علشان الدكتور يكشف عليه
الدكتور: ايه اللي حصل ؟
زين ب صوت كله تعب : اتعصبت شويه حسيت بألم بعد كده ماحاستش ب حاجه
الدكتور : زين باشا اولا اتحركت وده غلط جدا والانفعال طبعا غلط بس الحمدلله شويه التهابات مكان الجرح من الحركه والضغط لازم يظبط
زين : تمام يادكتور
الدكتور : دي شويه ادويه هتساعدك وياريت بلاش انفعال
زين : حازم وصل الدكتور
خرج الدكتور وحازم ودخلت امال وهنا ونور اللي دموعها لسه ع وشها وصوابع زين معلمه ع خدها
امال : الف سلامه عليك ياحبيبي
زين : الله يسلمك ياماما
هنا : الف سلامه عليك يا أبيه
زين : الله يسلمك ياهنون
بصت نور ع زين وحاولت تتكلم بس الكلام مش طالع ولا قادره تتكلم زين بص عليها وزعل من نفسه من صوابعه اللي معلمه علي وشها