*************
جواد كان سايق العربية وعمر قاعد جنبه وعيونه مراقبة الطريق بحذر وفضول فجأة على طريق زراعي مقطوع ظهرت عربية نقل سادة الطريق بالعرض
وجواد اضطر يفرمل مرة واحدة وعمر اتخض ومسك في الكرسي بقوة
نزل من العربية النقل عواد ومعاه تلات رجالة ماسكين شوم وسكاكين
وعواد كان بيضحك بغل وبينادي بأعلى حسه:
_ انزل يا سيادة المستشار ورينا هتحمي الواد ده كيف وأنت برا دار الحاج عبدالرحيم النهاردة هكسر عينك وعين الدكتورة للأبد
جواد بص لعمر وبمنتهى الهدوء حط إيده على كتفه وقال بصوت واثق:
_خليك جوا العربية يا بطل واقفل اللوك وأوعى تفتح مهما حصل النهاردة هوريك الفرق بين الراجل والجبان
جواد نزل من العربية بكل وقار وعدل الشال على كتفه وبص لعواد باحتقار
وقال بصوت هز المكان:
_ارمي اللي في يدك يا عواد وغور من هنا بدل ما أخلي عيشتك سودة أنت فاكر إن المستشار هيخاف من شوية هلافيت
عواد هجم هو ورجالته على جواد بس جواد كان أسرع بكثير وبحركات صعيدية عفية قدر يوقع اتنين منهم في ثواني
وعمر كان بيراقب من ورا الازاز بذهول وإعجاب لأول مرة يشوف حد بيقف قدام الظلم بالقوة دي
عواد قرب من جواد وبيحاول يغدر بيه بسكينة بس جواد مسك إيده ولواها خلف ضهره لحد ما عواد صرخ من الوجع