البارت السادسمر الليل تقيل على الكل آيات مكنتش عارفة تنام من كتر التفكير في كلام عمر وخوفه.
وجواد كان قاعد في أوضته بيخطط إزاي يكسب قلب البطل الصغير ده لأنه عارف إن مفتاح آيات هو عيالها
الصبح بدري والشمس لسه
بتشقشق نزل جواد الحوش لقى عمر قاعد لوحده بعيد عن أخواته بيبري قلم رصاص بتركيز وغضب
جواد قرب منه وقعد على دكة خشب جنبه ونادى عليه بصوت هادي:
_صباح الخير يا جناب القاضي الصغير
عمر بص له بطرف عينه ومردش جواد ضحك بخفة وطلع من جيبه مطواة صعيدي قديمة منقوش عليها بخيوط فضة
وحطها قدام عمر وقال:
_عارف دي إيه يا عمر دي مطواة جدي الله يرحمه كان بيقولي إن السلاح مش عشان تضرب بيه الضعيف السلاح عشان تحمي بيه اللي بتحبهم وأنا شايف في عينك حارس أمين مش عاوز يفرط في أمانته
عمر ساب القلم وبص للمطواة بإنبهار بس رجع كشر تاني وقال:
_وأنت عاوزني أصدق إنك هتحمينا بابا كان بيقولنا إنه بيحبنا وفي الآخر كان بيضرب ماما قدام عيني
جواد اتنهد وطلع نفس حار وقال:
_بص يا عمر الرجولة مش صوت عالي ولا إيد بتتمد الرجولة إنك تكون بيت للي حواليك يحسوا فيه بالدفا أنا مش جاي أخد مكان حد ولا جاي أخد أمك منك أنا جاي أكون الوتد اللي يسند السقف عشان أمك ترتاح وتضحك من قلبها
والمطواة دي أمانة عندك يا بطل لغاية ما تكبر وتعرف إن جواد عمره ما كسر كلمة