سجى قامت وقفت على المرجيحة ومسكت في كتاف عمر بطفولية وقالت بلهفة:
_بـجـد يا عـمـوررري هـتـأخـدنـي مـعـاك الـغـيـط تـوريـنـي الـورود والـعـصـافـيـر بـس مـس تـزعـق لـي تـانـي عـسـان أنا بـخـاف
عمر قلبه رق لمنظرها وبراءتها وحس إنه مسؤول عنها وعن حمايتها طلع من جيبه قطعة شوكولاتة صغيرة كان شايلها ليها وفتحها ومدها لإيدها وقال:
_خدي دي كليها ومن غير ما تخافي طول ما أنا جنبك مفيش حاجة في الدنيا تقدر تزعلك أبداً أنا بس عاوزك تسمعي الكلام عشان تكوني أشطر بنت
سجى أخدت الشوكولاتة وأكلتها بسرعة وهي بتضحك وبدأت تمسح إيدها في هدومها بعفوية وقالت بضحكة رقيقة:
_يـسـلـمـو يا عـمـووري الـسـوكـولاتـه طـعـمـهـا سـكـر خـالـص زيـك
عمر طلع منديل من جيبه ومسح وشها بهدوء وقال بابتسامة خفيفة:
_طب يلا بقى اطلعي لعمتك آيات فوق عشان تنامي وبلاش جري وأنتي طالعة السلم عشان متقعيش وتتعوري
سجى هزت راسها وطلعت تجري بشقاوة وهي بتقول بصوت عالي وحروف متكسرة:
_تـصـبـح عـلـى خـيـر يا أحـلـى عـمـووري في الـدنـيـا كـلـهـا
عمر فضل واقف مكانه باصص عليها وهي بتجري وبدون ما يحس حط إيده في جيبه وهو بيبتسم من قلبه وقال انتي ليا سجي قلبي
*********