ــ ” ولا حاجه يا ابنى أنا كويس كنت بس منشغل و تعبان شويه لكن أنا كويس الحمد لله “
ــ ” ألف سلامه عليك يا صاحبى عارف إنك بتيجى على نفسك كتير علشان الشركة و بتتعب أوى ربنا يكون في عونك “
ــ ” يارب المهم شوفت الإيميل اللى بعتهولك “
ــ ” أه شوفته و بعته كمان للشركة الأجنبية اللى هنتعاقد معاها مش عارف أقولك قد إيه الشركة دى هتفرق معانا أوى “
ــ ” معاك حق هى فعلا شركة كبيرة بس إحنا مش محتاجين حد يعلينا لأن إحنا كده كده عاليين من يومنا ممكن بس الشركة دى تزودنا بس فى قوتنا الأساسية و إن شاء الله نقدر نكسبها و بعدها هنقدر نطور الإنتاج بتاعنا و محدش هيقدر ينافسنا فى السوق “
ــ ” معاك حق يا صاحبى إحنا كل ماده ما بنعلى أكتر و أكتر و شركتنا بقت رقم واحد على مستوى الوطن العربى كله “
كان يريد أن يقول حقا إن تلك الشركة أصبحت من أشهر الشركات فى الوطن العربى لكن مع الأسف كان هذا الشيء يأتى عليه هو عكس ما أراد فإن تطور تلك الشركة أخذت سنين عمره التى كان يحلمُ فيها بأشياءٍ عديدة كان يتمناها لكن ماذا حدث لم ينل أى شىء بالمقابل ظل هكذا حتى أصبح عمره ثلاثون عاما و كان فقط يرى ذاته أنه ليس له قيمة لأحد فهو فقط مُجرد عبدًا لتنفيذ رغباتهم لا أكثر … تنهد بصعوبة و حاول أن يتحدث بثبات أمام صديقه لكى لا يلاحظ عليه شىء