فجال على فكرها أن تضع في طعامها سم فئران لتنهي حياتها وتتخلص منهما دفعة واحدة .
نچية بصوت يشبه فحيح الأفعى …أنتِ يا بت يا نعيمة .
نعيمة…..نعم يا ست الكل .
نچية……..لما تيچي تدخّلي الوكل عند الزفتة بدور ، هاتيه الأول ، رايدة أعرف هتاكل إيه وش الشوم دي إلا تكونوا من ورايا هتزودلها الوكل عشان حبلى .
نعيمة…….لا يا ستي، هو هو _ وكل أچل من وكل العصافير .
نچية……بردك هاتيه عشان أشوف بعيني.
فنظرت لها نعيمة بعين الريبة فحدثت نفسها …شكلك ناوية على حاچة تاني يا نچية ، مكفكيش اللي حوصل ، بس يلا وأنا مالي، إن شاء الله يچطعوا بعض ، المهم أن رزچي ميتچطعش ، أنا عندي عيال عايزة أربيهم .
نعيمة ……حاضر يا ست نچية ، هدخلك الوكل أنتِ الأول تشوفيه وتطمني .
نچية ….وهاتيلي معاكِ سم الفيران ، عشان هسمع صوت هينچر في الدولاب ألا يكون فار .
أدركت نعيمة ما تنوي عليه نچية فحدثت نفسها …يا لهوي سم فيران ، هتچيبي لنفسك مصيبة وأنتِ مش دارية .
المرة اللي فاتت ربنا سترها وراحت فيها بنتك أنتِ ،لكن السم هيعرفوه هيعرفوه .
أعمل إيه يا خلچ، مفيش فايدة ، هسمع الحديت وهما حرين بچا إن شاء الله يخلصوا على بعض .
نعيمة…….حاضر ، طلباتك أوامر يا ست الكل .