وكلمة الراجل شرف ودين .
سالم باستهزاء….يا سلام عليكم يا ناصحين ، وأنا دلوك أعرف كيف مين الصادچ فيكم ومين الكاذب .
مفيش حاجة اسمها كلمة الراچل شرف ودين ، فيها حاجة اسمها دليل وحچة أحكم بيها بنتكم، أو حتى شهود كانت واچفة ساعة مدفعت له الشهرية .
حماد ….مكنش حد واچف غير الحمار بتاعي.
سالم….تصدچ أنك حمار فعلا .
غور من وشي أنت وهو .
جابر …وحچي يا عمدة ، أعمل فيه إيه من الراچل ده ؟
سالم …خد الحمارة بتاعته واسرح بيه شهر .
حماد ….وأنا أركب إيه ، أروح بيه الغيط يا عمدة في الشمسية دي .
سالم …..اركب رچلك عشان تحرم تفرط في حچك تاني، ولازم تاخد وصل كل متدفع الشهرية .
ثم أمر زعزوع بإخراجهما .
خدهم برا يا زفت يا چطران ، أنا مش ناچص چرف ، ناس مهتفهمش .
فأخرجهم زعزوع وهم على حالهم يضربون بعضهم البعض ولا نعرف من هو الكاذب فيهم والصادق .
فهل تعلموا ؟؟
…………
خرجت نچية من المشفى وفرح لخروجها تلك الفتاتان .
منى…..ناوليني چولة أكسرها وراها .
هناء …متستهلش وحياتك تمن الچولة ، خسارة فيها .
يلا عاد نشوف شغلنا بلا حرچ دم ، أهي غارت مطرح ما چت .
ولجت نچية لغرفتها وتصارعت الأفكار في عقلها من جديد عن طرق التخلص من بدور قبل أن تأتي بالمولود الذي سيكون عقبة في حياتها .