أنا لجيته في الطريق كان هيبكي لحاله في بيت مهچور إكده .
فصعب عليه چولت آخده أربيه مع قمر وأهو ينفعنا لما يكبر .
امتعضت هنادي مردفة بإستنكار …وليه إكده أم ترمي ضناها ، ده أكيد ابن حرام .
غضب محروس من تلك الكلمة فعنفها بقوله.. …من النهاردة هو ابن محروس يا بت ومسمعكيش تچولي إكده تاني فاهمه ؟
وضعت هنادي إحدى يديها على خصرها وباليد الثانية فوق أنفها وتمايلت بغضب بقولها.. …وأنت زعلان ليه إكده أوي ، هو كان چريبك ؟
هانم…..يوه يا هنادي ، مخلاص عاد ، ونوليني يلا قمر .
وكتر خيرك على تعبك معايا .
هنادي….لا على إيه ؟
دي قمر دي بتي كيف جميلة بالظبط .
بچولك متچبيه أرضعه أنا كومان مع جميلة .
هانم…..لا إكده هيكونوا إخوات ثم ضحكت .
خليهم إكده ، يمكن تعچبه بتك لما يكبروا ويچوزها .
فبادلتها الضحك هنادي بقولها ….على چولك ، يلا ضمنا عريس من دلوك .
خرج منصور على صوتهم العالي وكست تعابير وجهه الغضب وبصوت حاد قال ……إيه مالكم صوتكم عالي إكده وهتتمسخروا كأنكم في السّيما ومش عارف أريحلي ساعتين اتنين .
انكمشت هانم وأمسكت في ذراع محروس الذي هتف بحرج …حچك عليه يا كبير ، ومش هيتكرر تاني.
ونصيبك من البهايم محفوظ ، هبعها وقبضك تمنها .
أومأ منصور رأسه بالموافقة ثم عقد حاجبيه متسائلا بغموض…..إيه العيل اللي على إيدك ده يا هانم ؟ هو أنتِ لحجتي خلفتي تاني بعد قمر .