ضحك البنات يعم الغرفة.
+
غرفة البنات – بعد العصر
+
الفستان كان مرمي على الكرسي، وريحة العطور خفّت من كثرة التجريب.
رزان طلعت من الحمام بشعرها مربط على فوق وعيونها فيها هدوء غريب، تمشي بخفة وتاخذ ورقة و قلم ودفتر وتستلقي على بطنها فوق السرير.
قلمها بيدها وقالت بحماس هادي:
– “بنكتب كل شي… ناقص… لازم نجهزه للملكة.”
+
مي كانت قاعدة على الكرسي قدام التسريحة، تطالعها وهي تغمز وتضربها على كتفها:
– “وش ذا الحماس يختي؟ شكلك متعودة ع الوضع. عاجبك الجو؟”
رزان ابتسمت، بس بسرعة نزلت عيونها للورقة، تحاول تخفي الابتسامة.
+
رغد تمددت على طرف السرير، تقلب بجوالها:
– “أهم شي نكتب: شوكولاتات… الحبة بـ٣٥ ريال، بس شكلها فخم.”
+
ورد قالت:
– “والموية؟ نبغى موية فيها لمعة كذا، مو موية عادية!”
+
دهب تسند راسها على المخدة وتقول وهي تضحك:
– “ومية وسبعين علبة موية؟ ترا ما بنسقي زريبة!”
+
رزان كتبت بهدوء:
– “شوكولاتات… موية فخمة… شموع صغيرة للطاولات.”
+
مي رفعت يدها:
– “الاستقبال! موسيقى الدخول شغلتوها؟”
رغد:
– “فيه بنت بالتiktokتسوي مونتاج، نرسل لها الصور ونسوي العرض.”
ورد:
– “والبخور! أنا بتكفل بالبخور خلاص، عطوني ميزانية.”
+
فجأة دخلت ميار الصغيرة عليهم وهي شايلة دفتر تلوين: