+
فيصل: “أنا ما قصدت، كنت أبي أضربه هو!”
+
هتان بصوت رافع:
“أبي اسكرييييم!”
ميار: “أنا بعد جدة!”
+
الجدة سارة طلعت على صوتهم وقالت وهي تضحك:
“من قلبكم مافيه سالفه؟ روحوا تعشّوا، وبعدها ناخذ آيسكريم، مو قبله!”
+
الجدة سارة تمسك خد هتان وتقول:
“تعشّوا أول، وبعدين يصير خير.”
+
عند السفرة – بعد دقائق
+
البنات توزع الصحون، وكل وحدة تتسابق تحط السلطة أزين. ورد قالت:
“ما حد يغرف إلا أنا، ترا تنكبّونها كلكم!”
+
ذهبَ: “وإذا انكبّت؟ نغرف ثاني!”
+
مي: “وين وضحى؟ لازم تكون هنا تشوف ترتيبات الملكة.”
+
الجدة سارة جاية من بعيد وقالت بصوت حازم وفيه حنية:
“لا تخافون، وضحى تجي، بس انتو خلوا التركيز عالأكل مو المكياج…”
+
هتان يركض من عند الرجال، ينط على حضن جوري، وهي تصارخ:
“هتتاااان! مو كذا حبيبي، خل ملابسي ما تتوسخ!”
+
هتان بصوت بريء:
“عمو علي يقول تجيبين له سلطه زياده، وقال قول لجوري!”
+
جوري تلتفت، تلقى دانه تناظرهم، ووجهها ماله ملامح، سكتة غريبة نزلت للحظة.
+
وقت الظهر – قبل الملكة بيومين
كانت الشمس تنزل شوي شوي، وريحة الكبسة مالية البيت، والصوت العالي من المطبخ يجي واضح:
هدى تصرخ على الشغالة:
– “ترى قلت لك البصل شرائح مو مفروم! منتي سامعة؟”