صارت الفرحه فرحتين: مجيّة ثريا… و قدوم النونو الجديد.
+
الجدة جواهر ابتسمت وقالت وهي تمسك يد نجلاء:
“هلا فيك بين أهلك وناسِك يا قلبي. انسوا اللي صار… اليوم يوم فرح. امي ثريا و عيال اخوي مشبب… وخبر الحمل! خلوها كلها فرحات، والماضي خلوه ورانا.”
+
ابتسمت نجلاء، واقتربت منها وحضنتها بحرارة، والبنات حولهم يصارخون ويضحكون.
+
ومرت الساعة، وصارت ١١:٣٠…
البيت كله واقف على رجل، الزينة معلّقة، والشموع شغّالة، وأصوات الشغالات رايحة جاية.
الجميع ينتظر ثريا ورباح وعياله.
+
لكن فجأة…
بينما البنات جالسين في مجلس النساء، بدأ صوت الرجال يعلو من برّا:
“يهلــــا والله!”
“مرحبا ومسهلا!”
وصوت أبواب تنفتح ونعال تضرب الأرض بسرعة.
+
البنات كلهم:
“جـــوووووووووووو!!!!”
+
اسماء تصرّخ وهي تدور حول نفسها:
“وين الكعب حقّي!! اووف!!”
+
رزان فجأة تمدّ يدها وتعطيها كعبها:
“خذي خلاص بس خلصينا يا بنت الناس!”
+
ضحكت مي وهي تقول:
“ترى بتطلعين أطول مني يا اسماء!”
+
جوري تهرج وهي تهز يدينها من الحماس:
“يا بنات ثريا نفسها جات!! يخي ما صدقت! بفتح الباب وأركض عليهم.”
+
وفجأة يجي صوت منيرة:
“اقعدوو!! استحوو! خليهم يدخلون أول.”
+
ويرتفع صوت الباب الكبير حق المجلس…