“أنت أيه إلى جابك هنا ….أمشي يا مازن ….هيقتلك …أمشي يا مازن ….لو عرف أني أعرفك هيقتلك ….هو بيقتلك كل حاجه بحبها ….أمشي”
أقترب منها أكتر وهو يقول بحزن على حالها :
“هو مين يا مهرة !!”
قالت أسمه بنبرة هامسه تحمل كل كره الدنيا :
“طاهر”
ظلت تنظر حولها ثم ثبتت عيناها على جينا وهي تقول بهمس يصل إلى مازن بصعوبه :
“وجينا كمان معاه متصدقهاش دي هيا إلى ربطتني كدة عشان ….عشان تخليه يضربني “
وبكت بخوف وجسدها بأكمله يرتعش ، عانقها مازن وهو يكاد يبكي عليها ، نظرت مهرة لجينا بحقد وهي تزمجر بغضب جعلت جينا تعود للخلف قليلاً ثم قالت بقلق :
“مش تصدقها مازن ، هي تعبان وبتخترف (وبتخرف) بالكلام ، أنا عمري ما هأذيها”
صرخت بها مهرة بنحيب :
“أنتي كدابه ….هي …هي يا مازن إلى خليته يعمل فيا كدة ….ولله هي ….هي شافته وهو بيقتلني ووقفت تتفرج”
قالت جينا بسرعه :
“رأيت ، هي على أعتأد (أعتقاد) أنها ماتت وأن طاهر قتلها مع أبنها”
نظر مازن لمهرة وهو يجمع شتات نفسه ثم سألها :
“الكلام ده أمتى يا مهرة”
نظرت له قليلاً وسقطت دمعه وهي تقول :
“أمبارح ، طاهر بعد ما عرف أني حامل سكت ، لكن بعد شويه رجعلي وفضل يضربني بالحزام والشلوت لحد …..لحد ما مت”