___________
مر يومان وهو لا يراها ولا يسأل عنها ، تاركاً لها كل ما تحتاجه من مساحه لتدرك أنه يريدها ، وأنها أيضاً تريده ، جلس على السفرة وبجانبه ملك الذي تنتظره للذهاب بها إلى المدرسة
“بابي هو فين مهرة !!”
أجابها بلا أهتمام :
“راحت الشغل يا حببتي”
نظرت له مرفت التي كانت تضع الطعام على السفرة :
“لا يا فندم ، مهرة مش في البيت من يومين”
التفت لها وهو يسأل بعصبيه :
“مش في البيت أزاي ، وأزاي متقوليش قبل ما تمشي”
“أنا أفتكرت حضرتك عارف عشان كدة مش بتسأل عليها”
“لا أصل أحنا متخانقين ف أفتكرت بتروح الشغل وبترجع تاكل في أوضتها ….هي مشيت أمتى !!”
“من يومين لقيتها لما شنطتها ولما سألتها قالت أنها قالتلك وأنها مسافرة ، كان الوقت أتأخر الساعة كانت 12 وأنا كنت خلصت إلى ورايا ومروحه ، وقالت أنك عارف صراحه مصدقتهاش ، ومجتش فرصه أقولك ، ولما لقيتك متكلمتش أفتكرتك عارف”
وصل الغضب إلى ذروته من تلك الهاربة التي تهرب من مواجهه أي شئ وكل شئ ، دق على هاتفها مره وأثنان وثلاثه ولكنه مغلق ، دق على بدور من الممكن أن تكون عندها فهي ليس لديها مكان غيره ، ردت بعد مرتان
“أه يا خالتو ….أزيك عاملة أيه …..طب الحمد لله ….هي مش عندك ….متأكدة ….طب ممكن تروح فين دي ملهاش مكان غيرك ….تسافر ….طب هي بتكلمك ….طب أدور عليها فين أنتي تعرفيها أكتر مني ….طيب طيب شكرا يا خالتو …..لو عرفتي أي حاجه بلغيني لو سمحتي”