“شوكولاته”
نظرت إلى الكيس بشوق وهي تقول :
“وأيه تاني معاك في الكيس ده”
أخرج علبه أيس كريم أوريو ، وعلبتين من “البرنجلز” ، ووضع فوقهم الشوكولاته ، ثم قال :
“يعني حاجات من إلى أنتي بتحبيها دي ، أنا عارف أن النسوان بتحب تتصالح بشوكولاته”
“نسوان !!”
“وأنتي ست النسوان كلهم”
رفعت حاجبها وهي تقول :
“على فكرة مش لايق في الرومانسي ، بس عموماً أنت فاكر عشان جبتلي الحاجات دي أني هتصالح وأنسي أنك طردتني من الأوضه”
“يعني أعتقد أن النسوان بيضحك عليها بسرعة”
“لا يا حبيبى ده لما تبقى ساذجة وضعيفه أنما أنا لا انا مش هسمح لك تضحك عليا زيهم …..
قاطعها مازن وهو يقول :
“ممكن بالبوس برضو ، إلى متتصالحش بالشوكولاته ، تتصالح بالأحضان ولا أنتي أيه رأيك”
“أطلع برة”
تنهد مازن وهو يستدعى الروح الرومانسية من داخله ، ويخرج مشاعر يريد كبتها وحرقها بجاز داخله ، ثم وبلا وعي تحرك يضمها بين ذراعيه ، أبتعدت خائفه من أفعاله المجنونه ، لكنها أستقرت في النهايه بين ذراعيه ، همس في أذنها :
“أنتي قموصه بس جميلة ، وشكلك بيبقى حلو أوي لما تبقى مكشرة ، ولولا الملامه كنت زعلتك كل يوم ، بس متهونيش عليا”
أبتسمت بخجل أثر كلماته الحنونه ، والذي لها إيقاع مميز على قلبها ، حاوطت خصره وهي تقول :
“أه عشان كدة بتزعلني يوم ويوم”