“وهو أنت قولت كل حاجه ، مقولتش ليه أنها عزمت يونس وعمك”
لم يتملك يامن صدمته وهو يسأل :
“وأنت عرفت منين”
“شوفت بقى ، على فكرة هي إلى قالت بنفسها ، كنت مستني أيه وأنا أساساً مشلول من عمايلها مع مهرة قبل كدة ، وأوضتها إلى بقت فواني تحتاني ، نص مكياج مهرة باظ بسببها ، دا غير الفساتين ، أنا مكنتش عايز أنفجر فيها عشان لو حصل كان زمانها قاعده جمبك في نفس السرير في المستشفي ، أحمد ربك أنها جت على قد كدة”
صمت قليلاً ثم قال :
“على العموم ريح أنت دلوقتي ، عقبال ما أنزل أشوف مهره دي كمان”
“صلح الدنيا متعكهاش زيادة ، أتغزل فيها وقول إلى أنت شايفه ، شوفها بقلبك مش بعينك ، هتلاقي الكلام المناسب”
“ماشي يا روميو ، أنا هديها الحاجه رضيت رضيت ، مرضيتش هي الخسرانه”
وأخذ الأكياس وتحرك إلى الخارج ، تاركاً يامن يرتاح
_____________
هبط مازن إلى الأسفل وهو يبحث عن مهرة الذي كانت بالمطبخ تحاول صنع مكرونة بالبشاميل حسب طلب ملك ، الذي طلبتها مخصوص من يدها ، دلف إلى المطبخ وجدها منهمكه في تقليب البشاميل ، نظر لها مازن ثم تنحنح قائلاً بخجل :
“معلش ، حقك عليا ، أنا مقصدش”
وأخرج شوكولاته من الكيس ومد يده بها ، نظرت له قليلاً ، ثم قالت :
“أيه ده”