عقدت ما بين حاجبيها ليوضح لها بكذب قائلًا: هو أنا لحقت أنا يدوب عملت اتصالاتي.
حدقت فيه بعينيها ليكمل قائلًا: أنا كلمت المهندس اللي كان شغال زمان عندهم وبعتله رسالة واتنين وعشرة قولت ليه أنا هارون المنصوري.
تابع وهو يزم شفتيه قائلًا: قالي أيوه يا فندم سألته عايزين مهندسين مردش.
حاولت السيطرة على الخوف والقلق بداخلها خاصة عندما أخبرها قائلًا: لما مردش عليا قلت أسال عنه ما هو طبيعي يخاف.
تابع وهو ينظر إليها بمكر قائلًا: لقيته مهندس صاحب مبادئ واللي زى ده أكيد في الفترة دي سأل عليا وعرف اني مش محتاج وممكن كان قال لغزال على اسمي.
وجدها ترتجف أمامه أكثر فقطب جبينه يكمل اصطناعه قائلًا: ايه يا ثومه مالك يا وزة أنتِ هتولدى ولا ايه ولا يكون اللي في بالي صحيح وعكيتي الدنيا مع الواد؟
صمتت ثومه وتعالت أنفاسها ليصرخ بها قائلًا: قولي لو في حاجة نقدر نلحقها.
لطمت ثومه على خديها وتع إلى عويلها قائلة
-يا خراب بيتك يا ثومه ده أنا سألته أنت تبع هارون قالي أه وفهمته المطلوب منه.
اتسعت عيني هارون لتكمل قائلة: بس لقيته بيتمرقع وبيحب في البت مش دوغرى قلبت عليه وقلتله ابعد عنها.
صمتت تجاهد في محاولة تذكر شئ جعلها تندهش ألا وهو حذف خليل لكل رسائل الواتساب الذي بعثها لها ويالها من كارثة فقد وقعت في براثن الخليل ترى سيكون صقرًا لوردة أم خليلًا وحبيبًا