صمتت ولم ترد الجواب فهي بحالة لا تقدر على محاسبة أي شخص حتى لو أخطأ بحقها ليحاول استعطافها قائلًا: والله كنت هعملها يا وردتي بس أمك بهيرة الله يسامحها خافت لما تكبرى تسألي وتضيعي منها.
ردت عليه وردة تعتصر نفسها بصعوبة على ما وصلت له بسبب الجميع قائلة: عمري ما أزعل منكم يا بابا أنت مرضتش ليا الفضيحة وأنا صغيرة كمان أكرمتني وفضلتني على أولادك اللي المفروض كانوا ينصفوني.
نظرت في الفراغ تتحسر على حالها قائلة: أنا دلوقتي عرفت ليه هما بيكرهوني وعرفت ليه مش حابين أكون سعيدة طبيعي ما هو أنا مش من لحمهم ولا دمهم.
ذهب زيان إلى ناصر وسرد له ما حدث ليقطب ناصر جبينه ويتذكر زيارة ماجد الأخيرة له في الورشة ويرد قائلًا: أنا كان قلبي حاسس من أخر مرة قابلت فيها ماجد إن وردة تخص حد من العيلة دي بس يا ترى تخص مين؟ وليه كان متلهف يعرف عنها كل حاجة.
شهق قائلًا: معقولة إبراهيم جوز أخته بس ازاي أبوك كان موافق على خليل ولا يكون عديله علشان كده أبوك رفض يجوزك نادين ما هو أصلها كانت غريبة ازاي أبوك يرفض نادين المفروض العكس الست كوثر هي اللي ترفض.
حدق زيان بعينيه في سعادة قائلًا: كده بقي أبوك هيقع بعد ما تقع وردة وهيجي لحد عندي يقولي سامحني يا زيان أنت الكبير برضه أنا يا ابني ما يهمنيش هي بنت مين.