بعد اتفاق وردة مع ناصر أن يكون هو نائب عنها في الشركه تذمر غزال من هذا القرار المفاجئ وشعر ناصر بهذا التذمر ليجلس معه جلسه أبوية يردف قائلًا: أنا عارف يا بابا إنك مش راضي عن القرار اللي وردة قالته وخايف مني بس صدقني كده أحسن.
واستطرد بخبث قائلًا: على الأقل زيان يخف عننا شويه.
زفر غزال بحنق قائلًا: يا ناصر أنا عارف إنك مش غبي زيه بس هي ماشية غلط يعني عملتك النائب بتاعها تقدر تقولي هي فين؟
وتابع بضيق: واللي عملته ده صح؟
ابتسم ناصر قائلًا: ايه يعني يا بابا وردة شاطرة وذكية، وعرفت تاخد حقها تالت ومتلت.
واستطرد بفخر قائلًا: وراحت تكبر الشغل وكان لازم كده علشان شغل الكومباوند وفتحت مصنع علشان مواد البناء يعني خلت الشغل كله يبقى من عندنا ومنتحوجش لحد وبكره تبقى سيدة أعمال شاطرة.
هز غزال رأسه بتفهم ولكنه ترجي ناصر قائلًا: عينك عليها يا ناصر إبراهيم منع جوازة خليل ووردة ووردة كبرت دماغها من خليل بس خليل هيفضل وراها.
ثم استطرد بخوف قائلًا: وده في حد ذاته خطر عليها من إبراهيم.
هز ناصر رأسه بطاعة وتفهم الوضع جيدًا وطمأن والده.
كانت فكرة المصنع هي فكرة ناصر وذلك لكي يبعث خليل إليها يطاردها وينتهي الأمر باستكمال حكاية عشقهم.