تضايقت ثومه وردت قائلة: لمي لسانك يا معنسه.
لتزيد نادين من ضيقها قائلة: بس فهمت دلوقتي ليه عرفك أنتِ بالذات وهو اللي رماكي في طريق زيان.
ابتسمت ثومه بسخرية قائلة: وأنتِ ايه اللي مضايقك؟ يا بت افهمي أنا بعدتك عن زيان البايظ اوعي يغرك انه استقام واتعدل
زفرت نادين بحنق قائلة: أه هو بقي كويس اطلعي أنتِ منها.
استطردت وهي تنحني و تبخ السم في أذنها قائلة: ده بيمثل عليكي علشان تقعي تحت ايده.
نظرت إليها نادين باستهزاء قائلة: أنا عاجبني حتى لو بيكذب عليا أنا كنت مستعدة أفديه بروحي النهارده أنتِ متخيلة؟
جزت ثومه على أسنانها قائلة: كل دي أوهام.
لتنظر لها نادين وهي تمط شفتيها باشمئزاز قائلة: وليه تتخيلي وأنتِ معندكيش إحساس أصلًا؟ باردة.
تعالى الحقد بداخل ثومه قائلة: أنا عندي إحساس وأكثر منك يا بنت الناس الأكابر و باخد بتاري من الكل وأولهم أنتِ.
خشت نادين من غضبها قائلة: أنتِ مجرد خدامة بتنفذي أوامر هارون علشان الفلوس.
بالفعل انقضت ثومه عليها قائلة: بقى يبقى في حضني ويقول اسمك ليل نهار؟
اندهشت نادين قائلة: بتقولي ايه؟مستحيل زيان فضل كارهني بسبب رفضي له زمان.
أخذت ثومه تهز رجلها بغيظ على اندهاش نادين وعدم استيعابها: أهو حصل. كان نفسي أكتم نفسه وأدور عليكي وأقتلك.