تعالت ضحكاتها قائلة: بعد ما كله راح في القمار يا أخويا.
استطرد هارون بحقد دفين قائلًا: أنا عيني على اللي عند وردة.
بالفعل أدخلتها ثومه لتأتيه رسالة من رقم مجهول مضمونها(على فكرة خطف نادين مش بالسهل يا هارون أنا صورت كل حاجة)
عقد ما بين حاجبيه ظنًا منه أنه خليل رد على الرسالة قائلًا: خليل!
ولكن ما أثار استغرابه بقية الرسالة حيث تأخرت في الوصول لسوء الشبكة(فكرت أبعت لخليل ويخلص منك بس هو غالي عليا أوى بفكر أبعت واحد من اللي عليك ليهم ديون)
ابتسم بلا مبالاة وبعث رسالة إلى نفس الرقم مضمونها
(ولا يهمني لو عايز تعمل حاجة هتعمل من غير ما تبعت الرسالة دي وبعدين مش هارون اللي يخاف)
نظر نحو باب خروج ثومه ونادين قائلًا بثقة
(محدش بيخطف أخته حتى لو هي قالت كده)
أدخلتها ثومه وهي تنظر لها بتشفي قائلة: قلتلك زمان زيان مش هينفع الشهادة لله أنتِ استسلمتي بس رجعتي تاني يا حربوقه ولفيتي على الواد.
قامت نادين بإغاظتها قائلة: وهتجوزه يا ثومه وهتشوفي.
ضربتها ثومه في صدرها بغل وحقد قائلة: ايه عايزة تبقي أم الواد؟ وطبعا عمة الواد مش هتسيبك.
أغمضت نادين عينيها بمرارة قائلة: الغريبة إن هارون يعرف ناس كتير بس بالوقاحة دي معتقدش.