لتنحني ثومه فوقها تتحدث كالأفعى قائلة: لأنه ملكي وهيفضل طول عمره ملكي.
رفعت نادين حاجبيها باندهاش قائلة: أنت معجونة من ايه يا بنتي أنتِ قادرة روحتى ضيعتي نفسك وضيعتيه؟ بس الحق مش عليكي.
تعالت ضحكاتها الشيطانية قائلة: الحق عليه هو اللي خان ملوش أمان تحبي أغنيلك حكيم يا عينيا؟
بينما تنظر نادين إلى شقيقها باشمئزاز قائلة: الحق على البيه أخويا اللي المفروض يوقفك عند حدك.
كانت تقذف بهذه الكلمات وهي تنظر إلى هارون بكل استحقار بينما ثومه تنظر إليها بشماتة ليرفع إصبعه يحذر نادين قائلًا: لا يا نادين أنا عمري ما هوقفها ولا هوقف سلطتي والجوازة دي لا يمكن تتم بقا عايزة تتجوزى ابن الجنايني وتفضحينا؟
هزت نادين رأسها بإصرار قائلة: أيوه هتجوزه ومش هضيعه تاني.
جز هارون على أسنانه بصرامة قائلًا: اسمعي الكلام يا نادين وارفضيه زى ما رفضتي زمان.
نظرت إلىه نادين باستنكار قائلة: أنت متأكد يا هارون إن أنت أخويا؟ يا أخي ده بابا اتبرى منك ومن عمايلك وأنت نفسك رامي طوبتنا من سنين.
رفع أكتافه بلا مبالاة قائلًا: أنتوا ولا تفرقوا معايا.
لتصرخ في وجهه قائلة: راجع دلوقتي لما نفسيتي بقت تمام تخرب حياتنا؟
جز على أسنانه قائلًا: طبعا يا نودي أنا هارون أخوكي ولازم تسمعي كلامي بدون اعتراض أنتِ مفكرة بعدي عنك ده إني رامي طوبتك؟