زفر زيان بضيق قائلًا: لا طبعًا وبعدين هو أنا لو دورت عليه هلاقيه وحتى لو لقيته هعمل لبنتك فضيحة على أخر الزمن.
ثم أردف بتهديد انبثق من عينيه قائلًا: ولا أنت مش واخد بالك إن أنت لازم تكتم على الموضوع؟
نظر له غزال بلوم قائلًا
-بقي كده طب تمام هات الرقم طالما أنت عايز تكبر دماغك أنا هعرف مين صاحب الرقم ده.
ثم تابع باستهزاء قائلًا: كنت مفكر إنك أخوها الكبير اللي خايف عليها.
لم يستطع خليل تحمل كلمات زيان اللاذعة فهتف قائلًا: على فكرة الموضوع مش بيدين وردة في حاجة ولو تلاحظ الرسالة هتفهم كويس إن صاحب الرسالة عايزني أبعد عنها.
هنا أثار غضب زيان ولكن أمثال خليل لا يبالون حيث استطرد بحيرة مصطنعة قائلًا: اللي مش فاهمه ليه.
رد عليه زيان بغضب قائلًا: وأنت مالك أنت مين أنت لا أبوها ولا أخوها ولا خطيبها ولا جوزها.
حانت اللحظه لخليل لكي يرد عليه رغم بقية حديث زيان حيث قال: جالك رسالة زى دي يبقى تلم حاجتك من الشركة وتمشي لو خايف على نفسك.
أشاح خليل بوجهه إلى الجانب الأخر باشمئزاز قائلًا: مينفعش يا أستاذ زيان كده يثبت الكلام عليا وأنا مش جبان علشان أعمل كده.
وتابع بخبث وصدمة قائلًا: وإن كان على أنا مالي فأنا فعلًا بحب وردة.