ثم استطرد بإصرار قائلًا: وردة لازم ترجع القصر ده وهي مرفوعة الراس دلوقتي إبراهيم ملك القصر بعد وفاة الزهيري وأكيد هيبقى عليه ديون والقصر هيبقى في المزاد وإن شاء الله وردة هتاخده.
تنهد زيان بتعب قائلًا: ممكن نفكر في نفسنا أنا وأنت شويه أنا مشاكلي اتحلت وحددت فرحي على نادين. أنت بقي قول للبت تستناك وصدقني هتستنى.
تألم ناصر وكاد أن يغادر إلا أن زيان استوقفه قائلًا: ناصر متبقاش عبيط زي ولو رفضتك اوعى تروح ترمي نفسك في حضن واحدة ساقطة احنا مش وحشين.
استطرد يبتلع مرارة ريقه قائلًا: احنا بس محتاجين حد يظهر الحلو اللي جوانا وبعدين ربنا يباركله خليل لما عرض عليك نظام الجامعة المفتوحة هما سنتين و تخلص.
Flash back
-خمس سنين يا ناصر؟ كل ده يا بني؟ طب ليه مسألتنيش ما أنا زي أخوك تفتكر في الخمس سنين دول محدش هيتقدم ليها؟ ليه تتعب نفسك والحل بسيط.
رد عليه ناصر بلهفة قائلًا: الحقني بيه بس بالله عليك لازم يبقى معايا هندسة ميكانيكا إن شاء الله معهد أولًا عايز أبقى مهندس زيها، ثانيًا الميكانيكا الوحيدة اللي بفهم فيها.
ابتسم خليل بخفة وطمأنه قائلًا: ولا تشغل بالك بالموضوع ده روح اسحب ورقك والحمد لله معاك دبلوم صنايع قسم ميكانيكا أنا هقدملك في جامعة مفتوحة وهما سنتين.