هنا ظهرت كوثر أعلى الدرج وهي تهبط السلالم ناظرة إليهم بحقد واحتقار قائلة: متفكرش انك بكده يا غزال قدرت ترجع ليها حقها ببساطة هي ملهاش حق، ولو ليها أوضة الخدامين زى أمها أخويا برئ من البنت دي.
علمت نادين من زيان أنها امتلكت القصر وأنها ذاهبة إلى هناك فذهبت لتبارك لها وما أن اقتربت من الباب حتى استمعت إلى كلمات والدتها فدلفت بكل قوتها تعنف والدتها قائلة: نفسي أعرف هتروحي من ربنا فين؟ وأنت بتاكلي حق اليتيم ومش أي يتيم دي بنت أخوكي لحمك ودمك، فعلًا بابا كان عنده حق أنتِ مينفعش تكوني أم.
امتدت يد كوثر لكي تصفعها ولكن أوقفها زيان وقد عادت نظراته الشيطانية من جديد كان يريد أن يسحقها من قبل وها هي حانت الفرصة.
و لكن كان هناك رأي أخر مفاجأة من العيار الثقيل تنتظر وردة وخليل. مفاجأة قد أتي بها ناصر عندما دلف بخطواته البطيئه ووردة من خلفه التي أصرت أن يكون لظهورها صدى عندما تحدث ناصر بصوت جهورى قائلًا: مساء الخير على الجميع أنا ناصر الزيني طبعًا كلكم عارفيني ودي أختي وردة طول عمرها اسمها وردة الزيني وهتفضل تفتخر إنها وردة غزال الزيني وردته وزهرته اللي سقاها حب وحنان حتى من غير فلوس أبوها الحقيقي كان هيوصلها للي هي فيه دلوقتي لأنه راجل عصامي مش متسلق ولا مستني عرق ولا شقا حد بس لظروف ما وظهور صعاليك ولا داعي للاستهزاء وذكر أساميهم خليل الورداني خطيب أختي وردة ووالدته المحترمة الست إيمان الزهيري رفعوا قضية إثبات نسب وردة لعيلة الزهيري واتحكم في القضية النهارده سبحان الله أخدت القصر واسم العيلة في يوم واحد زى ما أنتزع حقها وحق أمها في يوم واحد وبقى اسمها وردة ماجد الزهيري بس هي مش وردته زى ما هي وردة أبويا غزال هي مناه ومليكته أظن بعد الكلام اللي أنا بقوله ده واللي حلفت من خمس شهور أقوله محدش يتكلم عليها ولا على عيلتنا احنا عيلة مترابطة حتى لو وردة على لقب مين.