رواية ممنوع من الحب الفصل العاشر 10 بقلم منال كريم – للقراءة المباشرة والتحميل pdf

_ كفاية دموع يا حبيبتي ، دلوقتي كل الكلام ده بيني و بينك، اللي هنقوله بره أنك بتحبي في صمت حتي هو مش عارف ، التفاصيل دي ممكن تخليهم يشكوا فيكي أكتر، ماشي يا حبيبتي.

حركت رأسها بالإيجاب…

وضعت قبلة على جبينها و غادرت إلى الخارج.

تقف أمامهم،عقدت ذراعيها أمام صدرها و رددت متسائلة:

_ أنتم بجد تتخيلوا أن سارة ممكن تعمل حاجة حرام؟؟

قفز من مقعده بغضب و تحدث:

_ أنا سمعت بودني.

قطعت المسافة بينهما و وضعت يدها على كتفيه و همست بهدوء:

_ ممكن تهدأ يا ميدو، اقعد و اسمعني براحة.

زفر بضيق و جلس في إنتظار حديثها، و أحمد ملامحه لا تفسر، و أمينة تبكي بصمت،بينما تحدثت هي:

_ سارة غصب عنها وقعت في حب الدكتور بتاعها ، غلط و حرا،م لانه مسي،حي ، و هي عارفة و متأكدة أن جمهور الفقهاء و دار الإفتاء حرمت زواج المسلمة من أهل الكتاب، و علشان كده كانت تعيش في عذاب و هي بتجاهد نفسها، حالة سارة الفترة اللي فاتت تثبت أنها كانت بتحاول تنتصر على الشيطان، وقعت في حبه غصب عنها، لكن بمزجها بعدت عنه و حصنت نفسها بذكر الله و القران الكريم ، قربت من ربنا اكتر ، يبقي المفروض نعمل ايه؟ نقف جنبها علشان تعدي المرحلة دي،

دي يا سارة، اللي كلنا نفتخر بيها، اللي بنغير منها لانها أكتر واحدة فينا مجتهدة في طاعة الله، يمكن ده ابتلاء و اختبار من ربنا، لازم نقف جنبها مش نقسى عليها.