رواية ممنوع من الحب الفصل السابع 7 بقلم منال كريم – للقراءة المباشرة والتحميل pdf

_ لو كلمتها دلوقتي تسأل عرفت مين، و كده ممكن مريم تشك في سارة.

لكم الحائط بغضب و جز على أسنانه و قال:

_ ماشي يا مريم.

و رن الهاتف، فتح سريعاً ، كانت خالته،و هذا المطلوب وجد من يخرج غضبه، مجرد أن قالت نرجس:

_ ينفع اللي حصل ده يا أدهم، وصلت تجيب بنات في البيت.

رفع صوته بوقاحة و قال:

_ و هي ماما جريت عليكي تشتكي مني، و طبعا ولادك عرفوا، و يلا هما كمان يعرفوا أصحابهم، و انشروا الخبر ، أنا مش فاهم ،أنتم مالك بي، أنا عايش في حالي، كل المطلوب منكم هو ادعوا لي كتير بالمو،ت، علشان ترتاحوا مني و أنا أرتاح.

الصدمة لجمت لسانها ،و ضغطت على زر الإغلاق بدون إجابة.

/////////////

يقف في الشرفة، و ينظر إلى النجوم المضئية في السماء، في وسط ليل مظلم، و القمر يزين السماء برونقه الخلاب ، الصمت يعم المكان،و الليل يغمر كل شيء بالهدوء والسكينة، على عكس قلبه الذي يشبه نيران مشتعلة و تحُترق قلبه بصمت قاتل، تمعن النظر في القمر و هُمس:

_ حقك عليا يا قمر بس مهما كان جمالك، مش زي جمال حبيبتي سارة.

وضع يده على قلبه، أخرج تنهيدة طويلة و حرر دموعه، و قال:

_ أنت شاهد صح، شوفت حصل ايه لما قولت اسمها، قلبي يدق بسرعة بحس روحي تروح مني، و تجي هي تقول أني مش بحبها.