رواية ممنوع من الحب الفصل الرابع 4 بقلم منال كريم – للقراءة المباشرة والتحميل pdf

فاطمة بعدم فهم:

_ ليه ايه اللي حصل لكل ده؟

قررت البوح بمشاعر مدفونة منذ سنوات ، تشعر بها لكن دائما تكذب نفسها ،لكن اليوم تأكدت أن هذه المشاعر حقيقة صرخت بدموع شديدة :

_ يا ماما أنا بالنسبة ليهم شي مش مهم ،ديما هما أصحاب القرار في كل شيء ،و أنا مهما أتكلمت محدش يسمع ليا، لأني شخصية ضعيفة ، و سمحت لهم التداخل في شؤون حياتي، اليوم بحاول أتكلم معهم أن نهدي لحد من نرجع البيت و مفيش حد يسمع مني.

فاطمة بابتسامة بسيطة:

_كل ده يا نور في قلبك ،أنتِ مش ضعيفة ، أنتِ مهمة عند الجميع و عارفة كده، مريم و سارة كان الموقف مشتعل بينهما ، كل واحدة شافت أنها على حق ،معكِ أنهم غلطانين لأنهم نسيوا أنك تعبانة.

جاء صوت سارة من الخلف و الدموع تتساقط من عينيها مثل حبات المطر:

_أنا آسفة يا نور ، مكنش قصدي ده يحصل ، أنتِ عارفة أني بحبك و غالية عليا.

لتكمل مريم و هي أيضا دموعها لا تنتهي :

_ جملتك كانت كفيلة أن تمزق قلبي ، أنا غبية علشان زعلتك،بس أنتِ ديما تقولي مريم مجنونة و سارة عصبية، أنتِ اللي فين و الباقي سلطة.

مازلت نور تختبئ في أحضان ولادتها لتستمد بعض الحنان و القوة و لن تجيب على الحديث و لكن تتسارع دموعها في الهطول على وجنتيها.