رواية ممنوع من الحب الفصل الرابع 4 بقلم منال كريم – للقراءة المباشرة والتحميل pdf
تشكلت على ملامحها الغيرة، و صاحت بعصبية:
_ تمام يا ماما ، بس مريم هانم زعلانة اوي مني،علشان خاطر أدهم.
نهضت من مقعدها ، و جذبت يد سارة حتي تكون أمامها و أجابت مبتسماً:
_ الحكاية مش كده يا حبيبتي ، هي كمان زيك تصرفت بعصبية و بدون تفكير، و فكري صح يا سارة،
هو مش ممكن أدهم يقدم فيكي شكوى عن اللي حصل و ده يضرك يا حبيبتي ، من الاخر يا حبيبتي لازم تعتذري و قدم الكل.
توسعت عيناها بصدمة و هي تخبرها :
_ لا يمكن أعمل كده يا ماما.
أخذت نفس عميق و قالت:
ـ خلينا نتكلم براحة.
/////////////////
بعدما أخبرت والدتها ما حدث، و ظهر الانزعاج على ، نرجس عند سماع أن سارة صفعت أدهم ، و الأسوأ أمام الجميع.
انتهت مريم و تنتظر تعقيب على الحديث، لكن طال الصمت ، مما جعل مريم تشعر بالتوتر.
تستجمع أفكارها ، حتي تعلم من المخطئ ؟ هل سارة أما آدهم ؟
رتبت على يدها حتي تنبه عليها وسالت:
_ ماما أنتِ بخير ؟
دون إجابة حركت رأسها ، بينما هتفت متسائلاً:
_ايه رايك في اللي حصل؟
لعقت شفتيها و هي تفصح بنبرة هادئة:
_ طبعا مش أنكر أني زعلانة من سارة علشان عملت كده في أدهم ، بس دي سارة ، و و كلنا عارفين مين سارة؟ هي قبل ما تعمل حاجة تفكر في الحلال والحرام ؟ هي ملتزمة بشدة، و كمان عصبية، ردة فعل سارة مش غريبة، الغريب ردة فعلك أنتِ، لو أنا مكان سارة أقول إن أدهم عندك أهم منها.