رواية ممنوع من الحب الفصل الخامس 5 بقلم منال كريم – للقراءة المباشرة والتحميل pdf

اهو زي ما قولت دكتور الجامعة قاعد يس،كر،مش عارف اللي زي ده، سافر لندن ازاي ولا ازاي أي جامعة تقبل تشغل واحد زيه.

زفر رامي بعصبية وذهب الى أدهم ، وضع يده على كتفه و تحدث بنبرة هادئة:

_ أدهم كفايه كده تعالى يلا نمشي سوا.

ادار وجهه له، و أفصح بنبرة حزينة:

_ رامي أنا تعبان قوي.

مال رامي بجسده، و سنده وهو يقول :

_يلا نرجع البيت

تحرك أدهم مع رامي وعماد…

/////////

وصل المنزل و هو يستند على عماد و رامي،وضعه على الفرش و قال رامي:

_ أنا أعمل كوبية قهوه عشان يفوق.

وغادر رامي الغرفه أما هو اتكأ على الفراش،تدبر ملامح وجهه اخيه بنظرات كراهية و غيرة، و طحن أسنانه غضبًا عندما يتذكر أن أدهم يملك كل شيء أما هو لا، و صرح:

_ اللي هقوله ده أول مره اقوله، يمكن لو كنت صاحي كنت عمري ما اعترف بيه، أنا بكرهك يا أدهم ، و عمري ما كرهت حد قد ما كرهتك، طول عمرك أنت الكل في الكل، و المحبوب رغم أن كل أفعالك غلط من و احنا أطفال أمي بتحبك أكتر مني، بابا كان يحبني أكتر منك، لاني دايما هادي وأنت مشاغب، بس كان حظك أن اللي راح هو اللي شايف أنك ولد عاق، بابا مات و سبني مع أم كل حياتها أنت، ياريت كانت هي اللي ماتت، من صغري و أنا أذكر و أتعب أول باول، و أنت مقضيها لعب، و في الاخر تجيب أنت مجموع عالي، أنا عمري ما عملت مشاكل و أنت مشاكلك مبتخلص و الاخر ماما تحبك أنت،تصرفاتك كلها غلط شرب خ،مر و ز،نا و كلك عيوب و أمك مش شايفة غيرك، رفضت أني أسافر برة لكان وافقت ليك أنت،أنا عملت كل حاجه علشانها اتجوزت اللي هي اختارتها و عشت معها في نفس البيت زي ما طلبت ، و حتي أسم ابني حرمتني أنا و مراتي نسميه و أخترت هي يكون بنفس أسمك، و علشان خاطرها قبلت أبني يكون على أسم أكتر شخص بكره في حياتي، و الشخص اللي خد كل حاجة و عمل اللي بمزاجه و مع ذلك محبوب، أنا مش مثالي و لا عايز أكون مثالي ، أنا بقيت مثالي علشان ماما تحبني ربع حبك، و في الاخر هي مش شايفة غيرك.