رواية ممنوع من الحب الفصل الحادي عشر 11 بقلم منال كريم – للقراءة المباشرة والتحميل pdf

_ ماما أساعد حضرتك في الفطار.

استدرت بوجهها،خطفت نظرة سريعة ثم نظرت إلى الأمام و لم تنطق حرفاً،قطعت المسافة بينهما ،و لفت يدها حول خصرها ،و وضعت رأسها على كتفها و نطقت بحسرة و ندم:

_حقك عليا يا ماما، أنا آسفة.

التفتت لها و تحدثت بهدوء:

_ كفاية عياط يا سارة بابا كلمني و عرفني كل حاجة ، أن شاء الله فترة صعبة و تعدى ،هو إختبار صعب شوية ،بس احنا قده صح.

ظل صامتة، الدموع مثل بركان، رأسها منكمشة إلى الاسفل، تخشي رفع عيناها أمام عائلتها،اكملت بابتسامة:

_ أنا واثقة فيكي يا سارة،ثقة عمياء،متأكدة أنك تحاربي يا حبيبتي، و على فكرة أنا بحبك اوي.

و ضمتها أمينة إلى حضنها و ياليت تأخذ كل الألم الذي يقع في قلبها..

////////

في غرفة المعيشية

_أسمع يا محمد أسلوبك امبارح كان غلط، يا حبيبي أنت كبرت و لازم تصرف بعقل، سكوتي مش دليل أني موافق على معاملتك لأختك بالشكل ده، أنا كنت ساكت علشان مقلش من كرامتك، محمد بعدي أنت اللي تخلي بالك من أمك و اخواتك البنات، و لازم يا أبني تحكم عقلك، لول تتدخل ملك كنت عملت ايه؟ الوحيدة اللي تقدر عليك.

لم يقاطع حديث أبيه ،يسمع باهتمام حتي انتهى من الحديث، و أجاب مبتسماً:

_مش ملوكة اختي الكبيرة ولازم تقدر عليا.