رواية ممنوع من الحب الفصل الثاني عشر 12 بقلم منال كريم – للقراءة المباشرة والتحميل pdf

احتضن يدها و صرح :

_ ادلع براحتك يا قمر،سارة أنا بحبك، بجد بحبك.

ابتسمت بحب وهي تردف:

_ ايه يا بابا الدلع ده كله؟

تأملها بحب وفخر و أجاب :

_عشان بحبك، وعايزه أقوللك أني فخور بيكي،حبيبتي أنتِ بطلة، اللي يجاهد نفسه علشان يمنعها من إرتكاب معصية، يبقى بطل ،و أنتِ بطلة لأنك تحاولي أنك تنتصري على الشيطان.

مزحها بلطف بضربة خفيفة على يدها المصابة، و هو يقول بتحذير:

_مش عايز اللي حصل ده يتكرر تاني بلاش تاذي نفسك أفضل من كده، كنت تصلي ركعتين أنا عارف أنك ملتزمة بس حرام تاذي نفسك يا سارة.

أخذت نفساً مطولاً وهي تقول بحزن:

_ يا بابا أنا تعبت و مش قادر أقاوم تاني.

شد على يديها وردد بهدوء:

_ لا هتقدري لأن احنا معاكي.

أبتسمت على هذا الحديث دون أجابه ثم استرسل حديثه:

_ يلا بقى يا ساره أطلبي الأكل على ذوقك.

التقطت قائمة الطعام ،ومجرد أن رأت الأسعار توسعت عيناها بصدمة،و همست:

_ بابا أنت عرفت المطعم ده منين؟ أنت عارف أقل صنف هنا بكام.

شق ثغره إبتسامة وقال:

_ عارف يا ساره يلا اختاري بسرعة.

_يا بابا الاكل غالي اوي.

رتبت على يدها و أجاب بحب:

_مفيش حاجه تغلى عليكي يلا بسرعة.

تفحصت قائمه الطعام ولم تنظر الى نوعية الطعام بل كانت تبحث على أقل سعر، لانها تعلم أن الفاتورة سوف تكون باهظة الثمن، و بالتأكيد تفوق راتب شهري لوالدها و تسأل نفسها كيف لوالدها أن يجهز مثل هذا العشاء الرومانسي؟