رواية ممنوع من الحب الفصل الثالث 3 بقلم منال كريم – للقراءة المباشرة والتحميل pdf

سار أحمد و هي خلفه، غادرت الشقة بعد أن أخبرت امينة، و ذهب أحمد بعد الوضوء إلى المسجد و تحدث مع عبدالله بهدوء:

_ صلي على النبي.

: عليه افضل الصلاه والسلام عليك يا حبيبي سيدي و تاج راسي..

= أنا فاهم وجهه نظرك و عارف أنك مش نسي جيرانا اللي حصل بينهم مشاكل بسبب النسب، بس يا عبدالله صوابعك مش زي بعضه، و نفكر براحة، خايف تخسر اخوك، طيب تفتكر اخوك يبقى عليك بعد كسرة قلب ابنه و بنته ما هي نور بنته،

لما توافق في إحتمال أن شاء الله ميحصلش مشاكل، أما لو رفضت اكيد يحصل مشاكل و كتير، بنتك تحزن و يا عالم يحصل لها ايه، اخوك يزعل على زعل ابنه،ده غير كسرت راجل زي مصطفى ، نور زي بنتي و أنا لو في عريس زي مصطفى و بنتي موافة كنت وافقت عليه لان ده هو اللي يحافظ عليها، و لو ضحكت على الكل ما تضحكش عليا ،مفيش عريس و لا حاجة ، قولت كده علشان تخلص من زن مصطفى.

أخذ نفس عميق، بعد إنهاء حديثه، ليجيب عبدالله بهدوء:

_ عندك حق مفيش عريس، و كل كلمة قولتها صح ، بس أنا خايف بجد.

_وافق يا عبدالله و ارمي حمولك و خوفك على الله

أبتسم و قال:

_ و نعم بالله ، توكلنا على الله.

بلغ أحمد أمينة و هي بلغت مريم، التي أرسلت رسالة الى نور.