رواية ممنوع من الحب الفصل الثالث 3 بقلم منال كريم – للقراءة المباشرة والتحميل pdf

ابتسم و قال:

_ صح.

أكملت بنبرة مرتفعة قليلة:

_ يبقي أقول ل عمو عبدالله أن كده يعمل ذنب في حق نور، و كل اللي يسكت و يقبل بكده يتحمل نفس الذنب.

: هي نور بتحب مصطفى ؟

سؤال أحمد الذي جعل مريم تشعر بالتوتر، فليس من حقها الإجابة على السؤال، أجابت بذكاء:

_أنا هنا مش بتكلم عن مصطفى ، أنا بتكلم على أبن صاحب عمو عبدالله ، و أظن مش كل بنت ترفض عريس يبقي في حد تاني، نور صلت صلاة الاستخارة امبارح و حست بعدم الراحة، و أظن برضو أن دي ممكن تكون إشارة من ربنا.

ابتسم على ذكائها في التهرب من الإجابة حتي لا تبوح بسر بينها و بين نور و سارة، و أجاب بهدوء :

ـ من غير ما تقولي كنت ناوي أكلمه.

ابتسمت بسعادة و هتفت بصوت عالي، و كأنها في مظاهرة:

ـ يعيش عمو أحمد يعيش.

_ اسكتي الناس تتفرج علينا.

نهضت من مقعدها و قالت:

ـ طيب اطلع أنا بقا، و أنت قوم اتوضا علشان العصر قرب، و كلم عمو في المسجد علشان روح المكان الطاهرة تبارك الموضوع و عمو يوافق يلغي الخطوبة دي.

_ طيب يا اختي امشي.

تحركت خطوتين ،ثم التفت و سألت:

ـ من وقت ما جيت و طنط قالت تعمل شاي هو فين؟

نهض من مقعده و قال:

_دي عزومة كده و خالص ، المطبخ في حالة حظر طالما هي تحضر الغداء.