رواية ممنوع من الحب الفصل الثالث عشر 13 بقلم منال كريم – للقراءة المباشرة والتحميل pdf

_ اسمعني يا ابني كويس، أنت ضايع و تائه و مش عارف عايز ايه؟ فلازم تبدأ من جديد، امحي حياتك القديمة، لو شايف أن الحل في موتك هتكون غلطان، كل اللي أنت شايف أنهم يرتاحوا لو مت ،هيكملوا حياتهم عذاب في عذاب، أنت إنسان مثقفة و متعلم المفروض تفكر كويس، بلاش تهور و تسرع ، أبدا علاج و اعتبر دي بداية جديدة في حياتك، راجع حساباتك، بعيد عن أي ضغط من حد، شوف عايز تعمل ايه،

خد مرضك على أنه فترة هدنة مؤقتة ، يمكن و أنت تعالج جسدك ،روحك تطيب من كل هم و غم.

فوق يا أدهم دي مش حياة و لا عيشة بني ادم.

تجول عيناه في المنزل بحرية لأنه على يقين أنه يعيش بمفرده و قال :

_ ده منظر بيت، يلا قوم خد حمام و جري على المستشفى.

قال الجملة الأخيرة بابتسامة و نهض من مقعده ،و ادار ظهره حتي يرحل دون سماع إجابة منه، لكن صاح الآخر بسؤال:

_ حضرتك بتعمل معي كده ليه؟

التفت له و قال:

ـ نفس السبب اللي خلى بنتي تكلمك امبارح رغم أنه حرام، لعل و عسى نكون سبب في نجاتك و ربنا يجعله في ميزان حسناتنا.

و ادار ظهره مرة أخرى، تحرك خلفه ثم قال:

_ أنا بحب سارة و مش عارف أعمل ايه؟

توقف عن السير و دون أن يلتفت قال بهدوء:

_ السماء و الارض، الشمس و القمر، الليل و النهار، كل دول عمرهم ما تقابلوا.