رواية ممنوع من الحب الفصل الثالث عشر 13 بقلم منال كريم – للقراءة المباشرة والتحميل pdf

اقتصر السؤال على ذلك،أكمل هو في خياله، تكملة السؤال، أنت عايز ايه من سارة؟ ابتلعت الغضة العالقة في حلقه ، ثم حاول صوته يكون طبيعي عندما قال:

_حضرتك أنا عارف أني غلطان.

وأخذ نفس عميق ليكمل دفاع عنها:

_ الآنسة سارة مش غلطانة في حاجة، أنا السبب في كل ده، هي إنسانة نظيفة و محترمة، و أنا خدت دور الشيطان لما جريت وراءها.

لم ينكر سعادته و هو يسمع هذا الحديث عن صغيرته ،عقد اصابعيه و هو يقول:

_ اهدا ، مش ده سؤالي؟

سخط على نفسه من تهوره، ماذا لو لم يكن يعلم أحمد شيئاً؟

لاحظ نظرات الخوف في عيناه فقال بهدوء:

_ أدهم أنا عارف علاقتك بسارة، بنتي حكت لي كل حاجة و مش أنا بس، أنا و اخواتها و والدتها الموضوع بينا احنا بس، حتي أصحابها مش عارفين حاجة و ده مش موضوعي، أنا جاي علشانك أنت.

أشار على نفسه و ردد متسائلاً بعدم فهم:

أخذ نفساً مطولاً و قال:

_ لما سالتك عايز ايه؟ كنت أقصد أنت يا أدهم عايز ايه من الدنيا، نفسك في ايه؟

شق ثغره إبتسامة طفل، منذ زمن لم يسأله أحد هذا السؤال؟ والدته قدمت له كل شيء ثم أصبحت تملي أموار عليه، عائلته يرون أنه نقطة سودة في حياتهم، حتي سارة ترى أنه النار التي أشعلت حياته الهادئة ، عندما أطال في السكوت، قال بهدوء و هو يرتب على قدمه: