سيلين/ سما ردي عليه وكلميه بقوة وماتسمحيلهوش انه يعيش دور الضحية مرة تانية ان مراته اخدت بنته وهربت منه كلميه وقولي اللي في قلبك بالطريقة اللي فهمتهالك ولو مش عايزة تعرفيه مكانك انتي حرة يا سما دي حاجة تخصك انتي.
سما / خلاص يا سيلين هكلمه زي ما اتفقنا
سيلين/ سما انا بعمل كل ده علشانك وصدقيني انا متأكدة أنه بيحبك زي ما انتي بتحبيه واكتر ومستحيل يكرهك أو يأذيكي زي ما انتي متخيلة وعارفة أن خوفك مش من فراغ إنما بسبب تصرفاته معاكي. بس انا وعدتك اني هساعدك. يبقى اسمعي كلامي واسمحيلي اساعدك
***************
سيلين قفلت مع سما ورجعت تاني لأسر و نور
آسر بضيق / ايه كلمتي صاحبتك ولا مش لاقيه الموبايل
سيلين / لا يا أسر انا كلمتها وهي قالتلي أنها هتتصل بيه على موبايله وعلشان تصدق هي كمان طلبت مني اعطيك الرقم علشان تكلمها
واخد نور الرقم منها بلهفة شديدة وخرج من القصر فورا وهو بيتصل بيها
أسر / انا مش عارف انتي ازاي تعملي كدة يا سيلين وتساعديها في خراب البيوت كدة
سيلين بجمود / شكرا على رأيك فيا وفي تصرفاتي
وسابته ورجعت تاني تقعد مع الباقيين
وأسر حصلها وهو متضايق علشان قال كلام زعلها بدون مايقصد. لكن هو متأثر بالموقف وبيتخيل نفسه مكان نور