سيلين بضيق / يا أسر اسمعني
نور قاطعها / كلميها انتي الأول وعرفيها اني عايز اكلمها وإذا رفضت خلاص
أسر بعصبية بسيطة / سيلين اتصلي بيها فورا وخليها تكلم جوزها
سيلين بضيق من أسلوب أسر / ثواني هدخل اجيب موبايلي
( نور واقف متضايق جدا. وحزين بسبب الموقف اللي هو فيه وكمان قلبه وجعه لأن حبيبته وصل بيها الحال أنها تبقى خايفة يعرف مكانها وتآمن ناس غريبة على نفسها وتخاف منه هو )
أسر واقف مع نور. ومتضايق من موقف سيلين. وتصرفاتها وهو متأكد أن الموبايل كان معاها في جيب السويتشرت اللي لبساه. لكن دخلت علشان تكلم سما بعيد عنهم.
وبيتمنى انه يكون عارف مكان سما كان هو اللي اخد جوزها لحد عندها لأن هو مش عاجبه التصرف ده ابدا وفكره بهروب سيلين بعد كتب الكتاب بتاعهم
( سيلين لما رجعت هي و نها كان أسر وصل القصر وعرفته أنهم كانوا بيساعدوا واحدة صاحبتهم وشرحتله الموقف أنها زعلانة مع جوزها وسابت البيت. لكن معرفتهوش الأسباب أو الطريقة اللي خرجت بيها )
**********************
داخل القصر
سيلين اتصلت ب سما على الموبايل اللي عطتهولها وبتحاول تقنعها تكلم نور
سيلين/ اسمعي اللي قولتلك عليه يا سما قوليله زي ماقولتلك بالظبط
سما / احنا اتفقنا اني هقول كدة بس مش دلوقتي ومش النهاردة خالص وبعدين ان خايفة